ഇത്രയേറേ ചേര്‍ന്നിരിക്കുമ്പോളും
ഏറേ ദൂരം നാം അകന്നിരിക്കുന്നു
മനസിന്റെ ദൂരക്കണക്കുകളില്‍
ഒരു പിന്‍ നോട്ടത്തില്‍ പോലും
കാണ്മതിന്നപ്പുറം അകലേക്ക്
പതിയെ മായുന്ന കാഴ്ചകള്‍
പാതിയില്‍ തകരുന്ന സ്വപ്നങ്ങള്‍
വേര്‍പെടാന്‍ കൊതിക്കുന്ന
വിരല്‍ തുമ്പിന്റെ തേങ്ങലോടൊപ്പം
കോര്‍ത്തിരിക്കുന്ന വിരലുകളില്‍
തണുപ്പു പടരുന്നതും അറിയുന്നു
നിന്റെ നിശബ്ദ മൌനത്തിന്റെ
അര്‍ത്ഥമിന്ന് വിട ചോദിപ്പതിന്‍
വിഷാദഭാവമെന്നതും, ഇനിയൊരു
യാത്ര പറയാതെ ചോദിക്കാതെ
ഇനിയൊരു കാഴ്ച ഇല്ലാതിരിക്കുവാന്‍
മിഴികള്‍ ചേര്‍ത്തടക്കുന്നതും കാണുന്നു
ഇത്രയേറേ ചേര്‍ന്നിരിക്കുമ്പോളും
ഏറേ ദൂരം നാം അകന്നിരിക്കുന്നു
മനസിന്റെ ദൂരക്കണക്കുകളില്‍
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ